Iz

Abudérihim Ötkür
Yash iduq uzun seperge atlinip chiqqanda biz,
Emdi atqa min'güdek bop qaldi eyna newrimiz.
Az iduq müshkül seperge atlinip chiqqanda biz,
Emdi chong karwan atalduq qaldurup chöllerde iz.
Qaldi iz chöller ara,gahi dawanlarda yene,
Qaldi ni-ni arslanlar deshti-chölde qebrisiz.
Qebrisiz qaldi démeng,yolghun qizarghan dalada,
Gül - chéchekke pürkinur tangna baharda qebrimiz.
Qaldi iz,qaldi menzil,qaldi uzaqta hemmisi,
Chiqsa boran,köchse qumlar hem kömülmes izimiz.
Toxtimas karwan yolidin gerche atlar bek uruq,
Tapqusi héch bolmisa,bu izni bir kün newrimiz,! ya ewrimiz.